,,საქართველო აკეთებს მაქსიმუმს და ემზადება იმ პერიოდისთვის, როცა ალიანსში გაწევრიანების გადაწყვეტილების მიღების დრო მოვა”, _განაცხადა საქართველოსი აშშ-ის ელჩმა რიჩარდ ნორლანდმა საფრანგეთის პრეზიდენტის, ფრანსუა ოლანდის განცხადების შეფასებისას.
ელჩის განცხადებით, საქართველო აკეთებს მაქსიმუმს, რათა გაიუმჯობესოს კვალიფიკაცია და შეასრულოს მოთხოვნები, რომელიც მის წინაშე დგას.
,,საქართველოს ამჟამად ძალიან კარგად გააზრებული სტრატეგია აქვს უსაფრთხოების თვალსაზრისით, ამავე დროს, საქართველო იძლიერებს თავს ეკონომიკურად, აძლიერებს თავდაცვით შესაძლებლობებს სამხედროებისთვის, მათ შორის ავღანეთში მონაწილეობით. საქართველო ჩართულია დიპლომატიურ დიალოგში და თავის მაქსიმუმს აკეთებს, ემზადება რა იმ პერიოდისთვის, როდესაც მოვა დრო გადაწყვეტილების მისაღებად", - განაცხადა რიჩარდ ნორლანდმა.
საფრანგეთის პრეზიდენტი ნატოს შემდგომი გაფართოვების წინააღმდეგია. ამის შესახებ, მან ალიანსის გენერალურ მდივან იენს სტოლტენბერგთან შეხვედრის შემდეგ გამართულ პრესკონფერენციაზე განაცხადა.
„ვფიქრობთ, ნატოში გაწევრიანების მსურველ ქვეყნებს უარი უნდა ეთქვათ რადგანაც ალიანსის გაფართოვების საკითხი ამ ეტაპზე აქტუალური არ არის,“-აღნიშნა ფრანსუა ოლანდმა.
