პროკურატურაში ახალი დეპარტამენტის შექმნას იუსტიციის მინისტრი თეა წულუკინი დადებითად აფასებს და აცხადებს, რომ ჩამორთმეული ქონებისა და უკანონო მსჯავრდების საკითხების შესწავლისთვის მას სულ სხვა მოდელი ჰქონდა, რომელიც არ გაიზიარეს.
„ძალიან ბევრ ადამიანს ჩამოართვეს ქონება, ძალიან ბევრი ადამიანი უკანონოდ იქნა მსჯავრდებული, ამაზე მეც ძალიან ბევრს ვმუშაობდი, თუმცა სხვა იდეა და მოდელი მქონდა შემუშავებული. ეს მაშინ ვერ იქნა გაზიარებული, მაგრამ პოლიტიკური გადაწყვეტილება დღეს არის მიღებული, რომ ეს მოხდეს ოღონდ სხვა ფორმით და ეს ფორმა არის პროკურატურის ორგანოებში შექმნილი სპეციალური დეპარტამენტი. საჩივრები არის რამდენიმე ათასობით, მაგრამ კატეგორიზაცია მომხდარია და პროკურატურამ ეკონომიკის სამინისტროსთან ერთად შთამბეჭდავი სამუშაო ჩაატარა,“ - აცხადებს თეა წულუკიანი.