"არაკომპეტენცია და არაკვალიფიციურობა თავისთავად უნდა მოიკითხოს იმ მთავრობაში, რომელსაც წარმოადგენს”, _ასე გამოეხმაურა ,,თავისუფალი დემოკრატების” წევრი ზურაბ აბაშიძე პრემიერ-მინისტრის სპეციალური წარმომადგენლის რუსეთთან ურთიერთობის საკითვებში ზურაბ აბაშიძის განცხადებას.
,, თავისუფალი დემეოკრატების” წევრმა ზურაბ აბაშიძეს თანამდებობის დატოვებისკენ მოუწოდა.
,,მივმართავთ ჩვენ, უმჯობესი იქნება მისთვის, დატოვოს თანამდებობა. დღეს თუ ვინმეს აქვს კომპეტენციის და კვალიფიკაციის პრობლემა, ეს არის საქართველოს მთავრობა. ამას ჩვენ ვხედავთ ყოველდღიურად, როგორც საშინაო პოლიტიკის საკითხებში, ისე საგარეო პოლიტიკის მიმართულებით. ბატონი ზურაბ აბაშიძე გახლავთ ამ მთავრობის ერთ-ერთი ძალიან თვალსაჩინო წარმომადგენელი", - განაცხადა ზურაბ აბაშიძემ.
პრემიერ-მინისტრის სპეციალური წარმომადგენლისთვის რუსეთთან ურთიერთობის საკითხებში ზურაბ აბაშიძისთვის ,,თავისუფალი დემოკრატების” ლიდერის ირაკლი ალასანიას განცხადება მიუღებელია. როგორც აბაშიძემ ალასანიას საპასუხოდ ჟურნალისტებთან განმარტა უმჯობესია იქნება თუ სამოქალაქო კონტროლი ოპონენტების არაკომპეტენტურობაზე დაწესდება.
,,ჩემი აზრით, სამოქალაქო კონტროლი უნდა დაუწესდეს ჩვენი ოპონენტების არაკომპეტენტურობას, რომლის ლუსტრაციაც გასულ კვირას მოხდა. ის რაც მე ვთქვი საქართველო-ნატოს ურთიერთობების შესახებ, რაც პასუხი იყო ქართველი ჟურნალისტის კითხვაზე თუ რას ვფიქრობდი წინა დღეს ბატონი ლავროვის მიერ გაკეთებულ კომენტარზე, რაც ამას მოყვა ეს იყო ნამდვილი არაკომპეტენტურობის ლუსტრაცია და დოღი”, _განაცხადა აბაშიძემ.
შეგახსენებთ, რომ რამდენიმე დღის წინ ,,თავისუფალი დემოკრატების" ლიდერმა ირაკლი ალასანიიამ განაცახდა, საზოგადოებრივ-პოლიტიკური კონტროლი უნდა დაწესდეს იმაზე, რომ პრემიერის სპეციალური წარმომადგენელი რუსეთთან ურთიერთობების საკითხებში ზურაბ აბაშიძე მისი კომპეტენციის ფარგლებს არ გასცდეს და არ აკეთოს ის, რაც მისი საქმე არ არის.