"მრეწველები" ხვალ პარლამენტის საგანგებო სხდომაში მონაწილეობას მიიღებენ.
"ერთიანი ნაციონალური მოძრაობის" წარმომადგენლების ინიციატივით დანიშნულ სხდომას პარტიის ლიდერები გოგი თოფაძე და ზურაბ ტყემალაძე დაესწრებიან.
სხდომას არ დაესწრებიან უმრავლესობის წევრები ნუკრი ქანთარია და ნანა ყეინიშვილი.
მმართველი გუნდის წარმომადგენლებმა ამის მიზეზად დაგეგმილი შეხვედრები დაასახელეს.
სხდომაზე დასწრებას გეგმავენ ფრაქცია "თავისუფალი დემოკრატების" წარმომადგენლები.
სრული შემადგენლობით იქნება პარლამენტში "ერთნიანი ნაციონალური მოძრაობა".
შეგახსენებთ, რომ ხვალ, 28 თებერვალს, 14:00 საათზე პარალემნტის რიგგარეშე სესია გაიმართება. ამის შესახებ, გადაწყვეტილება პარლამენის ბიუროს დღევანდელ სხდომაზე მიიღეს, რომელსაც პარლამენტის თავმჯდომარის პირველი მოადგილე მანანა კობახიძე უძღვებოდა.
დეპუტატები რიგგარეშე სხდომაზე ქვეყანაში შექმნილ ეკონომიკურ მდგომარეობაზე იმსჯელებენ.
