კომპანია Apple-მა პრეზენტაციაზე დასასწრებად მოსაწვევები უკვე დაგზავნა. წინასწარი ინფორმაციით, პრეზენტაციაზე Apple Watch-ის პრეზენტაცია მოხდება, სადაც აღწერილი იქნება გაჯეტის თითოეული ფუნქციისა და დეტალის შესახებ. მოსაწვევში დაკონკრეტებული არ არის, თუ რას ეძღვნება პრეზენტაცია. მოსაწვევზე მწვანე-ლურჯ ორნამენტზე დატანილია Apple-ს ლოგო, ხოლო ქვემოთ აწერია "Spring Forward”.
ცერემონია სან-ფრანცისკოს ხელოვნების ცენტრში გაიმართება, რომელიც Apple-მა სხვა ღონისძიებების მოსაწყობად უკვე გამოიყენა.
როგორც ცნობილია, Apple Watch-ის პრეზენტაცია სექტემბერში შედგა და მაშინ დაანონსდა, რომ ე.წ. ”ჭკვიანი საათების” რეალიზაცია აპრილში დაიწყებოდა. ანალიტიკოსები მოელიან, რომ პრეზენტაციაზე Apple Watch-ის ფასიც დასახელდება.
