კიევი რუსეთის მიერ დეფაქტო სამხრეთ ოსეთთან გაფორმებულ ხელშეკრულებას ეხმაურება. საგანგებო განცხადებას უკრაინის საგარეო საქმეთა სამინისტრო ავრცელებს. მასში ნათქვამია, რომ საქართველოს სუვერენიტეტისა და ტერიტორიული მთლიანობის დარღვევა, ყირიმის ანექსია და აღმოსავლეთ უკრაინაში განხორციელებული აგრესია, საერთაშორისო ნორმების უხეში დარღვევაა, რაც ევროპისა და შავი ზღვის რეგიონის სტაბილობას უქმნის საფრთხეს. კიევი საქართველოს მხარდაჭერას უცხადებს და საერთაშორისო საზოგადოებას მოუწოდებს, რუსეთის მიერ სამხრეთ ოსეთისა და აფხაზეთის ანექსია არ დაუშვას.
