საქართველომ უნდა გააცნობიეროს, რომ სამხრეთ ოსეთის სტატუსი დიდი ხანია განსაზღვრულია. ასე ეხმაურება ოკუპირებული ცხინვალის რეგიონის დეფაქტო საქმეთა სამინისტრო პრემიერ-მინისტრის სპეციალური წარმომადგენლის ზურაბ აბაშიძის განცხადებას იმის თაობაზე, რომ თბილისი აფხაზებთან და ოსებთან დიალოგის ახალ ფორმებს ეძებს და მზადაა სტატუსის საკითხი დროებით გვერდზე გადადოს. "საკმარისად დიდი დრო გავიდა იმისათვის, საქართველოს ხელისუფლებას გაეცნობიერებინა, რომ სამხრეთ ოსეთის სტატუსთან დაკავშირებით კითხვები არ არსებობს. ეს სტატუსი განსაზღვრულია ხალხის მიერ და განხილვას აღარ ექვემდებარება", - ნათქვამია დე ფაქტო საგარეო უწყების განცხადებაში.
