დღეს, 25 თებერვალს საქართველოს საგარეო საქმეთა სამინისტროში იმართება მორიგი პოლიტიკური კონსულტაციები საქართველოსა და თურქმენეთის საგარეო უწყებებს შორის, მინისტრების მოადგილეების დონეზე.
საგარეო უწყების ინფორმაციით, პოლიტიკური კონსულტაციების მსვლელობისას განხილული იქნება თანამშრომლობის აქტუალური საკითხები როგორც ორმხრივ, ასევე რეგიონალურ კონტექსტში.
განსახილველ საკითხებს შორის ასევე არის თურქმენეთის პრეზიდენტის გურბანგული ბერდიმუჰამედოვის ვიზიტი საქართველოში, რომელიც სავარაუდოდ ზაფხულის თვეში შედგება.
