უკრაინელმა დიპლომატებმა ბრიუსელში ევროპელ საზოგადოებას უკრაინის წინააღმდეგ რუსეთის სამხედრო აგრესიის დამადასტურებელი მტკიცებულებები წარუდგინეს.
როგორც უკრაინული პრესა იუწყება, დიპლომატებს ჰქონდათ სლაიდები და ფოტომასალა, რომლებიც აღმოსავლეთ უკრაინაში რუსეთის ჯარისა და თანამედროვე შეიარაღების მონაწილეობით მიმდინარე მოვლენებსა და იქ არსებულ რეალურ ვითარებას ასახვს.
,,ეს არის უკრაინა დღეს, ეს არის უკრაინის აღმოსავლეთი ნაწილი. რა თქმა უნდა, რუსი კოლეგები, რომლებიც აქ არიან, ყველაფრის უარყოფას შეეცდებიან, მაგრამ ეს აგრესორისთვის ჩვეული ტაქტიკაა.
რუსეთი უკრაინის წინააღმდეგ პირდაპირ სამხედრო აგრესიას ახორციელებს და კლავს უკრაინელ ხალხს. ყველა ცივილიზებულმა სახელმწიფომ იცის ეს და ყველა ამტკიცებს ამას.” - განუაცხადა ბრიუსელში შეკრებილ საზოგადოებას ნატოში უკრაინაში მისიის მრჩეველ-წარგზავნილმა ეგორ ბოჟოკმა.
დიპლომატმა ის არგუმენტებიც მოიყვანა, რაც იმ განცხადებების აბსურდულობას ადასტურებს, რომლითაც კრემლი ყირიმის ოკუპაციას და აღმოსავლეთ უკრაინის შეიარაღებულ კონფლიქტს ხსნის.
ბრიუსელის კონფერენცია საერთაშორისო ურთიერთობების ევროპული ინსტიტუტის მიერ იყო ორგანიზებული და მას ევროპის სხვადასხვა ქვეყნის საზოგადოებრივ-პოლიტიკური და სამეცნიერო წრეების წარმომადგენლები ესწრებოდნენ.
