პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე ბრიუსელში ქართულ-რუსულ ურთიერთობებზე სასაუბროდ გაემგზავრა.
აბაშიძის განცხადებით, ორი დღის განმავლობაში ბრიუსელში შევედრები გაიმართება ევროსტრუქტურების წარმომადგენლებთან, თუმცა კონკრეტულად ვისთან დიპლომატი არ აკონკრეტებს.
,, ვისაუბრებთ საქართველო-რუსეთის ურთიერთობებზე, გავუზიარებთ ერთმანეთს მოსაზრებებს და მოვისმენთ რჩევებს. ამას ჩვენ სულ ვაკეთებთ, მე მაქვს ხშირი კონტაქტი ევროპელ პარტიორებთან”, -განაცხადა აბაშიძემ.
ზურაბ აბაშიძესთან ერთად, ბრიუსელში შეხვედრებს დაესწრება საქართველოს საგარეო საქმეთა მინისტრი თამარ ბერუჩაშვილი.
ვიზიტის დასრულების შემდეგ პრემიერის სპეციალური წარმომადგენელი უკვე პრაღაში გაემგზავრება, სადაც 26 თებერვალს რუსეთის საგარეო წყების ხელმძღვანელის მოადგილეს გრიგოლი კარასინს შეხვდება.
