„თავისუფალი დემოკრატები“ პარლამენტში მომავალ კვირაში, ეკონომიკური გუნდის მისვლას ითხოვენ.
მათი თქმით, დროა მთავრობამ შექმნილი რთული ეკონომიკური ვითარების გამო კონრკეტული სამოქმედო გეგმა დადოს.
„თავისუფალი დემოკრატების“ წევრის, დავით ონოფრიშვილის განცხადებით, უნდა შემცირდეს ადმინისტრაციული ხარჯები, ბენზინი, პრემიები და სხვა მიმართულებები. მისი თქმით, მთავრობამ დროულად უნდა მიიღოს გადაწვეტილება და დადოს კონკრეტული გეგმა.
„პარლამეტის ფუნქციაა, რომ დაუძახოს ეკონომიკურ გუნდსაც და ვინც არის საჭირო ნებისმიერ მინისტრს, და მოსთხოვოს რას აკეთებენ ისინი კონკრეტულ მომენტში,“-განაცხადა დავთ ონოფრიშვილმა.
უმრავლესობაში კი კვლავ მიიჩნევენ, რომ საგანგაშო არაფერია და პრობლემის მოგვარებაზე მუშაობა მიმდიანრეობს.
საპარლამენტო უმრავლესობის ლიდერის, დავით საგანელიძის თქმით, ბიუჯეტი მხოლოდ სახელფასო ფონდისგან არ შედგება და ე.წ. ქამრების შემოჭერა არ ნიშნავს აუცილებლად ხელფასების შემცირებას.
„სწორია და აუცილებელი, რომ ეს პრინციპი, ე.წ. ქამრების შემოჭერის განხორციელდეს, წინააღმდეგ შემთხვევაში ალბათ იმ პროცესებს , რაც ეგზოგენური ფაქტორებით ხდება ლართან დაკავშირებით, ჩვენ გაგვიჭირდება ამის დაჭერა,“-განაცხადა დავით საგანელიძემ.
ამავე საკითხთან დაკავშირებით, „ნაციონალური მოძრაობა“ ხელისუფლების უუნარობაზე ამახვილებს ყურადღებას.
„ჩვენ ვერ ვხედავთ ვერანაირად რაიმე მწყობრ გეგმას, რომელიც მთავრობას აქვს, ჩვენ მათ ვთავაზობდით და დღესაც ვთავაზობთ გამოსავალს,“-განაცხადა უმცირესობის წევრმა გიგი წერეთელმა. მისივე თქმით, მთავრობას არ შესწევს უნარი, რომ ქვეყანა გამოიყვანოს ამგვარი კრიზისიდან.
