26 თებერვალს საქართველოს პრემიერ-მინისტრი ირაკლი ღარიბაშვილი ვიზიტით ბრიუსელს ეწვევა.
საგარეო უწყების ინფორმაციით, ვიზიტის ფარგლებში იგეგმება შეხვედრები ევროკავშირის ლიდერებთან, კერძოდ - ევროკომისიის პრეზიდენტთან ჟან კლოდ იუნკერთან, ევროპული საბჭოს პრეზიდენტთან დონალდ ტუსკთან და ევროკავშირის უმაღლეს წარმომადგენელთან საგარეო და უსაფრთხოების პოლიტიკის საკითხებში ფედერიკა მოგერინისთან.
,,აღსანიშნავია, რომ საქართველოს პრემიერ-მინისტრი პირველად ხვდება ევროკავშირის ახალ ხელმძღვანელობას და ამის გათვალისწინებით, ამ შეხვედრას უდიდესი მნიშვნელობა ენიჭება. საუბარი შეეხება ზოგადად საქართველოს ევროინტეგრაციულ მიზნებს, რაც ჩვენს ქვეყანას აქვს დღის წესრიგიდან გამოდინარე. იქნება ეს ასოცირების შეთანხმება, მისი იმპლემენტაცია, ღრმა და ყოვლისმომცველი თავისუფალი ვაჭრობა, ასევე პოლიტიკური საკითხები, უსაფრთხოება (არა მხოლოდ ჩვენს რეგიონში, არამედ ევროპულ ჭრილში) და უკრაინაში განვითარებული მოვლენები”, _განაცახდა ჟურნალისტებთან საგარეო უწყების პრესსპიკერმა დავით კერესელიძემ.
