უკრაინაში შექმნილი ვითარება ძალიან ჰგავს იმ მოვლენებს, რაც საქართველომ რამდენიმე წლის წინ გაიარა. ამის შესახებ საქართველოს პრეზიდენტმა უკრაინული „ინტერისთვის“ მიცემულ ინტერვიუში განაცხადა. „დღევანდელი ვითარება ჩვენ არამხოლოდ 2008 წლის, არამედ 90-იან წლების მოვლენებსაც გვახსენებს. მაშინაც იყო ჰიბრიდული ომი აფხაზეთსა და სამხრეთ ოსეთში. შემდეგ იყო 2008 წელი. დღეს კი სახეზე გვაქვს რუსულ-აფხაზური ხელშეკრულება. ანალოგიური ხელშეკრულება მზადდება სამხრეთ ოსეთთანაც. მოვუწოდებ უკრაინელ ხალხს, იდგეს მხნედ და ამაყად და არ დაკარგოს რაციონალური მიდგომა იმ პროცესებისადმი, რომელიც დღეს ვითარდება,“-აღნიშნა მარგველაშვილმა.
