,,თავისუფალი დემოკრატების" წევრმა ნინო გოგუაძემ პლენარულ სესიაზე კიდევ ერთხელ გაამახვილა ყურადღება საყდრისი-ყაჩაღიანის საგამოძიებო კომისიის შექმნის აუცილებლობაზე.
,,სწორედ იმის შესასწავლად იყო თუ არ იყო კულტურული მემკვიდრეობის ძეგლი, ჩადენილი იყო თუ არა დანაშაული, პარლამენტმა სწორედ ამის გამო მიიღო დადგენილება და ჩვენ დეპუტატებს დაგვავალა კომისიის შექმნა და საქმის გამოძიება", -განაცხადა გოგუაძემ.
მისივე განმარტებით, საკმარისია ნებით თუ უნებლიეთ დაიწყო დანაშაულის გამართლება, ან ხელი შეუშალო მის გამოაშკარავებას რომ დანაშულის თანამონაწილე ხდები.
,, სწორედ ამიტომ, რომ ყოველი ჩვენგანი არ გავხდეთ სავარაუდო ჩადენილი უმძიმესი დანაშაულის თანამონაწილე, ჩვენ უნდა შევქმნათ საყდრისი-ყაჩაღიანის საგამოძიებო კომისია რადგან მომავალში ეს დანაშაული უმძიმეს ტვირთად არ გვექნეს თითოეულ ჩვენგანს", -განაცხადა გოგუაძემ.
შეგახსენებთ, რომ პარლამენტმა საყდრისთან დაკავშირებით საგამოძიებო კომისია უნდა დააკომპლექტოს, რომელსაც მხარი76 დეპუტატმა უნდა დაუჭიროს.
მასალის გამოყენების პირობები