,,აშშ-ის პოლიტიკა აფხაზების მფლობელობაში არსებული პასპორტების შესახებ არ შეცვლილა. მეტიც, აშშ-ის პოზიცია აფხაზეთსა და სამხრეთ ოსეთთან დაკავშირებით არ შეცვლილა: ეს რეგიონები საქართველოს განუყოფელი ნაწილია." - ნათქვამია საქართველოში ამერიკის შეერთებული შტატების საელჩოს მიერ მოწოდებულ განცხადებაში.
შეგახსენებთ, რომ ოკუპირებული აფხაზეთის საგარეო საქმეთა მინიტრმა, ვიაჩესლავ ჩირიკბამ, ორი დღის წინ, ჟენევის დისკუსიების თანათავმჯდომარეებთან შეხვედრის შემდეგ სოხუმში გამართულ ბრიფინგზე განაცხადა, თითქოს აშშ-მა ოკუპირებული აფხაზეთის იმ მოქალაქეების მიმართ, ვისაც რუსეთის საკონსულოს მიერ გაცემული პასპორტები აქვთ, სავიზო პოლიტიკა შეცვალა და მათთვის დაწესებული შეზღუდვები მოხსნა.
,,ჟენევის დისკუსიებში ჩვენს მიერ შესასრულებელი სამუშაოს უმთავრესი ასპექტი სწორედ ევროკავშირის მხრიდან სავიზო პოლიტიკის შეცვლაზე ზრუნვა იქნება. რაც შეეხება ამერიკას, მან აფხაზეთის მოქალაქეებისთვის, რომელთაც რუსეთის საკონსულოს მიერ გაცემული პასპორტები აქვთ, უკვე ყველანაირი შეზღუდვა მოხსნა." - განუცხადა აფხაზ ჟურნალისტებს ჩირიკბამ.
