ფრაქცია "თავისუფალი დემოკრატები" საკანონმდებლო ორგანოში ფრაქციის სხდომის ფორმატში, ეკონომიკისა და ფინანსთა მინისტრებს, გიორგი კვირიკაშვილსა და ნოდარ ხადურს იბარებენ.
,, "თავისუფალი დემოკრატები" ვითხოვთ მობრძანდნენ ეკონომიკისა და ფინანსთა მინისტრები ფრაქციის სხდომაზე და გაწეული საქმიანობის ანგარიში წარმოადგინონ, თუ რას აკეთებენ იმისთვის, რომ ქვეყანა ეკონომიკურ კოლაფსში არ ჩავარდეს. შექმნილ ვითარებაზე პასუხისმგებლობას არავინ არ იღებს, ზოგიერთი მინისტრი ამბობს, რომ არსებული მდგომარეობა მისი პასუხისმგებლობა არ არის, პრემიერ-მინისტრი ამბობს, რომ ყველაფერი კარგადაა, ხოლო პირველი მოქალაქე ამბობს, რომ ბანკირები უნდა დავიქირაოთ. საზოგადოებას არ აქვს რწმენა და იმედი იმისა, რომ ხელისუფლებას კრიზისის დაძლევა შეუძლია", - განაცხადა ჟურნალისტებთან ფრაქციის თავმჯდომარემ ირაკლი ჩიქოვანმა.
