საქართველოს პრემიერ-მინისტრის სპეციალური წარმომადგენელის რუსეთთან ურთიერთობის საკითხებში ზურაბ აბაშიძისა და რუსეთის საგარეო უწყების ხელმძღვანელის მოადგილის გრიგოლი კარასინის მორიგი შეხვედრა 26 თებერვალს პრაღაში გაიმართება. ამის შესახებ, რუსეთის საგარეო საქმეთა სამინისტროს ოფიციალურმა წარმოამდგენელმა, ალექსანდრე ლუკაშევიჩმა განაცხადა.
მისი თქმით, შეთანხმება 16 თებერვალს სატელეფონო საუბრისას მოხდა.
,,16 თებერვალს სატელეფონო საუბრისას გრიგოლი კარასინსა და ზურაბ აბაშიძის შორის მოხდა შეთანხმება, რომ თებერვლის ბოლოს პრაღაში ჩატარდებოდა მორიგი, კონკრეტულად, 26 თებერვალს", _განაცხადა ლუკაშევიჩმა.
ლუკაშევიჩმა განსახილველ საკითხებზე წინასწარი კომენტარისგან თავი შეიკავა.
"როგორც იცით ამ რეგულარულ კონტაქტებს საკმაოდ ფართო დღის წესრიგი აქვს და მასზე განიხილება ყველა აქტუალური საკითხი. ასეთი მიდგომა საშუალებას იძლევა ღიად განვიხილოთ სხვადასხვა თემები და მივიდეთ რაიმე შეთანხმებამდე რაც ჩვენ დიალოგს წინ წაწევს,"-განაცხადა ლუკაშევიჩმა.
მასალის გამოყენების პირობები
