ოკუპირებული აფხაზეთის საგარეო საქმეთა მინიტრმა, ვიაჩესლავ ჩირიკბამ ჟენევის დისკუსიების თანათავმჯდომარეებთან შეხვედრის შემდეგ სოხუმში გამართულ ბრიფინგზე განაცხადა, რომ აშშ-მ ოკუპირებული აფხაზეთის იმ მოქალაქეების მიმართ, ვისაც რუსეთის საკონსულოს მიერ გაცემული პასპორტები აქვთ, სავიზო პოლიტიკა შეცვალა და დაწესებული შეზღუდვები მოხსნა.
,,ჟენევის დისკუსიებში ჩვენს მიერ შესასრულებელი სამუშაოს უმთავრესი ასპექტი სწორედ ევროკავშირის მხრიდან სავიზო პოლიტიკის შეცვლაზე ზრუნვა იქნება. რაც შეეხება ამერიკას, მან აფხაზეთის მოქალაქეებისთვის, რომელთაც რუსეთის საკონსულოს მიერ გაცემული პასპორტები აქვთ, უკვე ყველა შეზღუდვა მოხსნა." - განუცხადა აფხაზ ჟურნალისტებს ჩირიკბამ.
GHN-ი საქართველოსში ამერიკის საელჩოს დაუკავშირდა და აღნიშნულის შესახებ განმარტება სთხოვა.
როგორც საელჩოს წარმომადგენელმა შეგვატყობინა, მათ აშშ-ს ადმინსტრაციის მხრიდან ,,აფხაზეთის მოქალაქეების" მიმართ სავიზო პოლიტიკის შეცვლის და შეზღუდვების მოხსნის შესახებ ინფორმაცია არ მიუღიათ.