საქართველოს ყოფილი მაღალჩინოსნების ექსტრადირებაზე მთავარმა პროკურატურამ უკრაინას მოთხოვნა განმეორებით გადაუგზავნა. ამის შესახებ, მთავარი პროკურორის მოადგილემ, ირაკლი შოთაძემ ჟურნალისტებთან განმარტა.
"სააკაშვილზე პასუხი არ მიგვიღია. უკვე დიდი ხანია გასული, რაც შუამდგომლობა გავაგზავნეთ. მოხდა განმეორებითი მოთხოვნის გაგზავნაც. თუმცა, როგორც ჩანს, უკრაინის პროკურატურა არ აპირებს და არც თანამშრომლობს ექსტრადირებასთან დაკავშირებით საქართველოს პროკურატურასთან მიუხედავად იმისა, რომ ეს მისი ვალდებულებაა.
მისივე თქმით, სწორედ მათი კომპეტენციაა, უკრაინის ტერიტორიაზე განახორციელონ შესაბამისი მოქმედებები.
,,მთლიანად დამოკიდებულები ვართ უკრაინის სამართალდამცავ ორგანოებზე. სწორედ მათი კომპეტენციაა, უკრაინის ტერიტორიაზე განახორციელონ შესაბამისი მოქმედებები. ჩვენ დამოკიდებულები ვართ უკრაინის პროკურატურაზე. საქართველოს პროკურატურამ თავისი ვალდებულებები და ინსტრუმენტები სრულად გამოიყენა.
შოთაძის განცხადებით, საერთაშორისო ხელშეკრულებებით, რომელიც ქვეყნებს შორის არის გაფორმებული, უკრაინა ვალდებულია, ძებნილი ბრალდებულების ექსტრადირების პროცესი დაიწყოს და ითანამშრომლოს საქართველოს პროკურატურასთან.
მასალის გამოყენების პირობები
