უკრაინის გენერალური პროკურორის მოადგილე დავით საყვარელიძე აპარატის შემადგენლობის შემცირებას ვარაუდობს, თუმცა ჯერ-ჯერობით ვერ აზუსტებს, რამდენი თანამშრომელი დატოვებს უწყებას.
ამასთან, მან უკრაინელ ჟურნალისტებს განუმარტა, რომ თავის დროზე საქართველოს გენერალურ პროკურატურაში ხელმძღვანელ თანამდებობაზე კადრები 6-ჯერ შეამცირეს.
ამის შესახებ მან კიევში გამართულ პრეს-კონფერენციაზე განაცხადა.
,,ჯერ არ ვარ მზად იმისთვის, რომ გიპასუხოთ, რამდენი პროცენტით შემცირდება კადრები, მაგრამ მინდა, ეს მაქსიმალურ დონეზე მოხდეს... მთავარია არა თანამშრომელთა რაოდენობა და ზედმეტი ფუნქციები, რაც საბჭოთა დროიდან შემორჩა, არამედ ის, თუ როგორ არის სისტემა აწყობილი და როგორ მუშაობს მექანიზმი, რომელიც კონკრეტული შედეგებისკენ არის ორიენტირებული." - აღნიშნა საყავრელიძემ.
მისი თქმით, 9 წლის განმავლობაში საქართველოს პრუკურატურაში 1850 პროკურორიდან მხოლოდ 350 დატოვეს.
