თვის ბოლოს საქართველოს პრემიერ მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძისა და რუსეთის საგარეო უწყების ხელმძღვანელის მოადგილის გრიგოლი კარასინის მორიგი შეხვედრა გაიმართება. როგორც მთავრობის ადმინისტრაციაში გამართულ პრესკონფერენციაში აბაშიძემ განაცხადა შეხვედრის ზუსტი თარიღი უახლოეს პერიოდში დაზუსტდება.
მისივე განმარტებით, შეხვედრა კვლავ პრაღაში გაიმართება.
,,ერთ-ერთი ცენტრალური საკითხი რომელსაც იქ განვიხილავთ გახლავთ ხელშეკრულება რომელიც 2011 წელს გაფორმდა საქართველოსა და რუსეთს შორის, ეს გახლავთ ხელშეკრულება ,,საქართველოსა და რუსეთის მთავრობას შორის საბაჟო ადმინისტრირებისა და სასაქონლო ვაჭრობის მონიტორინგის მექანიზმთან დაკავშირებული ძირითადი პრინციპების შესახებ". ხელშეკრულების იმპლემენტაციის მიზნით, შერჩეულია შვეიცარიული კოპანია ,, ეს-ჯე-ესი", რომლმაც უნდა დააწესოს ტვირთების გადაზიდვაზე მონიტორინგი", _აცხადებს აბაშიძე.
აბაშიძის განცხადებით, კარასინთან შეხვედრაზე ასევე განხილული იქნება ჰუმანიტარული, სავაჭრო საკითხებიც.
მასალის გამოყენების პირობები
