საგარეო უწყების პრესსპიკერის დავით კერესელიძის განცხადებით, საქართველოს პრემიერ-მინისტრის, ირაკლი ღარიბაშვილის უკრაინაში ვიზიტი ძალაში რჩება. როგორც კერესელიძემ ორშაბათის ტრადიციულ ბრიფინგზე განაცხადა ინფორმაცია იმის თაობაზე, თითქოს, ბოლო პერიოდში უკრაინასთან ნაკლები კომუნიკაციაა სიმართლეს არ შეესაბამება.
,,ვერ დავეთანხმები გავრცელებულ ინფორმაციას, რომ უკრაინასთან ნაკლები კომუნიკაცია გვაქვს. ბოლო ორი თვის განმავლობაში, უკრაინაში ბრძანდებოდა საპარლამენტო დელეგაცია. იქ ასევე იმყოფებოდა ევროპულ და ევროატლანტიკურ სტრუქტურებში სახელმწიფო მინისტრი დავით ბაქრაძე. გარდა ამისა, ჩატარდა პოლიტიკური კონსულტაციები საგარეო საქმეთა სამინისტროს დონეზე", -აცხადებს კერესელიძე.
მასალის გამოყენების პირობები
