დღეს, 16 თებერვალს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი მოისმენს საქართველოს იუსტიციის უმაღლესი საბჭოს ასევე, შერიგების და სამოქალაქო თანასწორობის საკითხებში სახელმწიფო მინისტრის ანგარიშებს „2013 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ" პარლამენტის დადგენილებით მიღებული რეკომენდაციების შესრულებაზე.
კომიტეტის სხდომა 16:00 საათზეა ჩანიშნული.
საქართველოს სახალხო დამცველის ანგარიშით 12 სახელმწიფო უწყებას მიეცა რეკომენდაციები, რომლებიც 2014 წლის პირველი აგვისტოს დადგენილებით საქართველოს პარლამენტმა გაიზიარა.
შესაბამისად ამ დადგენილებით, 12 სამინისტროს დაევალა რეკომენდაციების შესრულება.
ვალდებულების მიხედვით მათ 2015 წლის 1 მარტამდე რეკომენდაციების შესრულების თაობაზე ანგარიშები უნდა წარმოადგინონ. ცნობისათვის, პარლამენტის დადგენილებით იუსტიციის უმაღლესი საბჭოსთვის 2 და შერიგების და სამოქალაქო თანასწორობის საკითხებში სახელმწიფო მინისტრისთვის 1 რეკომენდაცია არის გაცემული.
