დღეს, 16 თებერვალს დეპუტატები საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის მიერ 2013-2015 წლებში გაწეული საქმიანობისა და სამომავლო გეგმებთან დაკავშირებით ანგრიშს მოისმენენ.
სპორტისა და ახალგაზრდულ საქმეთა კომიტეტის სხდომა 12:00 საათზეა ჩანიშნული და კანონმდებლების წინაშე მოხსენებით რექტორის მოვალეობის შემსრულებელი ჯემალ ძაგანია წარსდგება.
2007 წელს, მთავრობის დადგენილებით ეს უმაღლესი სასწავლებელი გაუქმებდა და იგი მიუერთეს ილიას სახელმწიფო. ხოლო საქართველოს მთავრობამ 2013 წლის 28 მარტს მიიღო N64-ე დადგენილება და გადაწყდა ფიზიკური აღზრდისა და სპორტის სახელმწიფო უნივერსიტეტის დაფუძნება.
ახლადდაფუძნებული უნივერსიტეტის პროფესორ მასწავლებლების დაუღალავი შრომის შედეგად 2014 წლის 19 მაისს წარმატებით იქნა გავლილი უნივერსიტეტის ავტორიზაციის პროცესი და 7 წლიანი იძულებითი პაუზის შემდეგ, განხორციელდა აბიტურიენტების მიღება პირველ კურსზე.
უნივერსიტეტში არის 13 კათედრა, 7 სპორტული დარბაზი, სტადიონი, ჩოგბურთის კორტები, კომპიუტერული კლასი. სპორტის უნივერსიტეტში 2014 წელს ორჯერ ჩატარდა აკადემიური თანამდებობების დასაკავებელი კონკურსი, რომლისსაფუძველზეც არჩეულ იქნა: 20 პროფესორი; 39 ასოცირებული პროფესორი; 36 ასისტენტ პროფესორი; 5 ასისტენტი. ამათგან 11 პროფესორს დაცული აქვს სადოქტორო დისერტაცია (PhD), 2007- 2012 წლების განმავლობაში. გრძელვადიანი ამოცანები განხორციელდება უნივერსიტეტის საქმიანობის შემდეგ მიმართულებებში: სასწავლო პროცესი;კვლევითი სამუშაოები; საბიბლიოთეკო საქმიანობა; ინფრასტრუქტურა; საგანმანათლებლო კავშირები; კურსდამთავრებულებთან ურთიერთობა; სოციალური საკითხები; საწვრთნო პროცესი.
2015/2016 სასწავლო წლისათვის შეფასებისა და გამოცდების ეროვნულ ცენტრში შეტანილი განაცხადის საფუძველზე იგეგმება 350 აბიტურიენტის მიღება.
