საქართველოს ყოფილმა პრეზიდენტმა და უკვე უკრაინის პრეზიდენტის, პეტრე პოროშენკოს მრჩეველთა საბჭოს თავმჯდომარემ, მიხეილ სააკაშვილმა ,,CNN"-ის ეთერში აღნიშნა, რომ ის აღნიშნულ თანამდებობას მხოლოდ იმიტომ დათანხმდა, რომ დარწმუნებულია პეტრე პოროშენკოს მშვიდობა უნდა.
მისივე თქმით,რუსეთის მიზანია უკრაინაში ის დემოკრატიული საფუძველი გაანადგუროს რაც ქვეყანამ ბოლო დროს მოიპოვა.
"პუტინს სურდა პირველ რიგში დაემარცხებინა დებალცევო - სარკინიგზო შეერთების მთავარი ადგილი. უკრაინელებმა გასაოცარი წინააღმდეგობა გაუწიეს. ისინი მტკიცედ დგანან დებალცევოში ძალიან ძლიერი სარტილერიო ცეცხლის პირობებში. მინსკში პუტინი ცდილობდა გადაედო ცეცხლის შეწყვეტის შეთანხმება, რადგან მას სჭირდებოდა მეტი დრო ტერიტორიების კონტროლის ქვეშ მოსაქცევად, საიდანაც უკეთ შეძლებდა უკრაინისთვის ძირის გამოთხრას. მას ეს არ გამოუვიდა და ამიტომაც აგრძელებს საარტილერიო ცეცხლით შეტევას ბოლო საათების განმავლობაში. უკრაინამ დაიმსახურა თავდაცვითი იარაღი იმ გმირული წინააღმდეგობის გამო რაც უკრაინელებმა თავისუფლებისთვის ბრძოლაში გამოიჩინეს. ამას აშშ-ის სენატი ძალიან აფასებს. აღსანიშნავია რომ უკურაინა არ ითხოვს იარაღს თავდასხმისთვის, არამედ ის ითხოვს იარაღს თავდაცვისთვის რუსული ტანკების წინააღმდეგ, რათა მათ ახალი ქალაქებისა და ტერიტორიების დაპყრობა ვეღარ შეძლონ,"- განაცხადა მიხეილ სააკაშვილმა.