საქართველოს საგარეო საქმეთა მინისტრი, თამარ ბერუჩაშვილი, ხორვატიის რესპუბლიკის პრეზიდენტის კოლინდა გრაბარ-კიტაროვიჩის ინაუგურაციის საზეიმო ცერემონიალში მონაწილეობის მისაღებად 2015 წლის 15 თებერვალს, ვიზიტით ზაგრებს ეწვია.
ვიზიტის ფარგლებში თამარ ბერუჩაშვილი გაცნობითი ხასიათის შეხვედრებს გამართავს ხორვატიის ახლადარჩეულ პრეზიდენტთან კოლინდა გრაბარ-კიტაროვიჩთან და პირველ ვიცე-პრემიერთან, საგარეო და ევროპულ საქმეთა მინისტრთან ვესნა პუსიჩთან. შეხვედრაზე მხარეები განიხილავენ ორმხრივ და მრავალმხრივ ფორმატებში თანამშრომლობის პერსპექტივებს. საქართველოსთვის ასევე მნიშვნელოვანია ხორვატიის გამოცდილების გაზიარება ევროპულ და ევრო-ატლანტიკურ სტრუქტურებში ინტეგრაციის პროცესში.
მასალის გამოყენების პირობები
