თბილისის საქალაქო სასამართლომ დედაქალაქის ზედამხვედველობის სამსახურის აპარატის უფროს სჯოკია ბოდოკიას აღმკვეთ ღონისძიებად პატიმრობა შეეფარდა.
საქალაქო სასამართლომ ბრალდების მხარის შუამდგომლობა დააკმაყოფილა.
პროკურორის მალხაზ გეწაძის განცხადებით, რომ ბოდოკიამ ქრთამი შპს "დარიოუშის" ხელმძღვანელის ნათია მახარაშვილისგან აიღო, რომელმაც გამოძიებასთან ითანამშრომლა.
პროკურორის ინფორმაციით, "დარიოუშს" სასტუმრო თაბუკაშვილის ქ. 32-ში მდებარე მიწის ნაკვეთზე უნდა აეშენებინა, რის მფარველობასაც შპს-ს ხელმძღვანელს ბოდოკია დაჰპირდა. გეწაძის თქმით, საქმეში არის ვიდეომტკიცებულებებიც.
გამოძიების ვერსიით, მან ერთ-ერთ კომპანიას, გარკვეული შეღავათების უზრუნველყოფის პირობით, 180 ათასი აშშ დოლარი მოსთხოვა, თანხის ნაწილი - 50 ათასი დოლარი კი წინასწარ გამოართვა.
ბრალდებული დუმილის უფლებას იყენებს. თუმცა, მისი ინტერესების დამცველის განმარტებით, ბოდოკია დანაშაულს არ აღიარებს.
