დედაქალაქის მუნიციპალიტეტის საკრებულოს თავმჯდომარემ გიორგი ალიბეგაშვილმა ჟურნალისტებსა და რადიოს მსმენელებს რადიოს მსოფლიო დღე მიულოცა და აღნიშნა, რომ ამ დღის აღნიშვნის მიზანი რადიოსთვის, როგორც კომუნიკაციის საშუალებისთვის პატივის მიგებაა.
,,ყველა ჟურნალისტსა და რადიოს მსმენელს რადიოს მსოფლიო დღეს ვულოცავ, რომელიც 2011 წელს იუნესკომ 36-ე გენერალურ კონფერენციაზე დააფუძნა.ბუნებრივია, წლების მანძილზე მისი დანიშნულება მკვეთრად გაიზარდა. რადიო, დახვეწას განაგრძობს და ახალ ტექნოლოგიებს ითვისებს. რადიო კომუნიკაციის საშუალებაა, რომელსაც დიდი შესაძლებლობები აქვს'',-განაცხადა საკრებულოს თავმჯდომარემ.
მსოფლიოში პირველად რეგულარული რადიომაუწყებლობა 1921 წლის ნოემბერს ამერიკის შეერთებულ შტატებში, პიტსბურგში, ხოლო საქართველოში კი 1925 წლის 23 მაისში დაიწყო. ინფორმაცია ნახევრადკუსტარული რადიოსატელეფონო სადგურით გადაიცემოდა, რომელიც უცხოური რადიოსატელეგრაფო გადამცემის APშ-78-ის ბაზაზე იყო აწყობილი.
ეს იყო ამიერკავკასიაში პირველი სამაუწყებლო გადამცემი, რომელიც დღეში 1-2 საათი მუშაობდა.
