საქართველოს თავდაცვის მინისტრს მინდია ჯანელიძეს პარლამენტში იბარებენ. მინისტრის პარლამენტში დაბარება სამხედრო მოსამსახურეებისთს კვებით უზრუნველყოფის საკითხს უკავშირდება.
„თავისუფალი დემოკრატების" წევრის გიორგი ცაგარეიშვილის განცხადებით, გაუგებარია რატომ არ ჩაატარა ხელისუფლებამ ტენდერი და რატომ გადაწყვიტა მთავრობამ კვების საკითხი პირდაპირი წესით შპს "სახელმწიფო კვებით უზრუნველყოფას" ჩააბაროს.
„პასუხები კი ჯერჯერობით არ ჩანს, ან გაურკვეველი პასუხები ისმის პრობლემატურ საკადრო გადაწყვეტილებებთან დაკავშირებით, კვების კომპანიის გაშვებასთან დაკავშირებით. ძალიან ბევრი კითხვა გაჩნდა უკვე," - განაცხადა გიორგი ცაგარეიშვილმა.
არსებულ კითხვებზე ამომწურავ პასუხებს დეპუტატები თავდაცვის მინისტრისგან ელოდებიან.
შეგახსენებთ, რომ შპს ქართული კვების კომპანიას კონტრაქტი ტავდაცვის სამინისტროსთან 14 თებერვალს უმტავრდება.
ახალი კომპანიის გამოსავლენად მთავრობას ტენდერი არ ჩაუტარებია და გადაწყვეტილება სამხედრო მოსამსახურეების კვებით უზრუნველსაყოფად პირდაპირი წესით შპს "სახელმწიფო კვებით უზრუნველყოფას" ჩააბარა.
