დედაქალაქის მერიის მაღალჩინოსანს სასამართლო. თბილისის მერიის ზედამხედველობის სამსახურის აპარატის უფროსის, ჯოკია ბოდოკიას საქმეზე სასამართლო დღეს იმსჯელებს.
პროკურატურა ბოდოკიასთვის პატიმრობას, ხოლო დაცვის მხარე გირაოს ითხოვს.
ჯოკია ბოდოკია ამ დრომდე გამოძიებას ჩვენებას არ აძლევს.
როგორც ბოდოკიას ადვოკატი გიორგი ყავლაშვილი აცხადებს, მისი დაცვის ქვეშ მყოფს გამოძიება კომპანია „დარიუსისგან" 50 ათასი აშშ დოლარის ქრთამად აღებას ედავება.
„ეს აბსოლუტურად არ არის კავშირში მასთან, როგორც მერიაში მომუშავე თანამდებობის პირთან," - აცხადებს ყავლაშვილი.
შგანხსენებთ, რომ პროკურატურა ბოდოკიას განსაკუთრებით დიდი ოდენობის ქრთამის აღებას ედავება. საუბარია 180 ათას დოლარზე. გამოძიების ვერსიით, მან ერთ-ერთ კომპანიას გარკვეული შეღავათების უზრუნველყოფის პირობით, 180 ათასი აშშ დოლარი მოსთხოვა, თანხის ნაწილი - 50 ათასი დოლარი კი წინასწარ გამოართვა