"ეს სულ მცირე თავხედური განცხადება იყო. ახალგაზრდა კაცია და ბევრი დაფიქრება მართებს განცხადებების გაკეთებისას, რადგან შეიძლება ცხოვრებაში ცხვირი წაიმტვრიოს,"- ასე აფასებს საპარალემნტო უმრავლესობის ლიდერი, დავით საგანელიძე თანაგუნდელის, ზაქარია ქუცნაშვილის მიერ გაკეთებულ განცხადებებს.
საგანელიძის განცხადებით გადაწყვეტილება იმის შესახებ, რომ პრეზიდენტს მხოლოდ ის შეხვედროდა, პოლიტსაბჭოს სხდომაზე იყო მიღებული.
,,რანაირად არ ვარ ვალდებული, უმრავლესობაში შემავალ შვიდივე ფრაქციას ცალ-ცალკე ვესაუბრო და 90 დეპუტატის მოსაზრება ერთ მოსაზრებამდე დავიყვანო. პრეზიდენტთან საუბრის ლეგიტიმაცია ყველასგან მქონდა და თუკი ეს ლეგიტიმაცია ქუცნაშვილს არ მოეწონა, ის იყო ფრაქციის თავმჯდომარე, რომელიც ფრაქციამ პოსტიდან გადააყენა და, როგორც ფრაქციის თავმჯდომარეს მას უფლება ჰქონდა პოლიტსაბჭოს შეხვედრებს დასწრებოდა. რაკი ახლა ვერ ესწრება, კითხვა სხვას - ფრაქციის თავმჯდომარეს დაუსვას", - აცხადებს დავით საგანელიძე.