"მინსკში მიმდინარე შეხვედრას თვალ-ყურს ვადევნებთ. ეს უმნიშვნელოვანესი მომენტია როგორც ევროპული, ისე გლობალური უსაფრთხოებისთვის", -განაცხადა საგარეო საქმეთა მინისტრმა თამარ ბერუჩაშვილმა მინსკში მიმდინარე შეხვედრის შეფასებისას. როგორც მთავარობის სხდომის შემდეგ ბერუჩაშვილმა აღნიშნა მნიშვნელოვანია, ეს შედეგი საქართველოსთვისაც.
,,იმედი მაქვს, შეთანხმებაში სრულფასოვნად მოხდება ყველა პრობლემატური თემის ასახვა და შესაძლებლობა შეიქმნება, უპირველეს ყოვლისა, ადგილზე იყოს მშვიდობა, რუსეთმა გაიყვანოს ჯარები და აღდგეს საზღვარი, რომლის კონტროლიც ადეკვატურად განხორციელდება. მნიშვნელოვანია, ეს შედეგი საქართველოსთვისაც, რამეთუ ეს არის დიდი, რეგიონული, ევროპული უსაფრთხოების თემა", - განაცხადა ბერუჩაშვილმა.
მასალის გამოყენების პირობები
