ტალინში, ესტონეთისა და საქართველოს საგარეო საქმეთა სამინისტროებს შორის საკონსულო სფეროში ორმხრივი პოლიტიკური კონსულტაციები გაიმართა.
დელეგაციას საქართველოს მხრიდან ხელმძღვანელობდა საქართველოს საგარეო საქმეთა სამინისტროს საკონსულო დეპარტამენტის დირექტორი, გიორგი ტაბატაძე, ხოლო ესტონეთის მხრიდან - ესტონეთის საგარეო საქმეთა სამინისტროს საკონსულო დეპარტამენტის გენერალურ დირექტორი კერსტი ეესმა. შეხვედრას, ასევე, ესწრებოდა საქართველოს ელჩი ესტონეთში, თეა ახვლედიანი.
მხარეებმა განიხილეს სავიზო პოლიტიკასთან დაკავშირებული საკითხები. კონსულტაციების მიზანს წარმოადგენდა საკონსულო სფეროში არსებული გამოცდილების გაზიარება და ტრეფიკინგის წინააღმდეგ ბრძოლის კუთხით თანამშრომლობის საკითხები.
