იური ვაზაგაშვილის მკვლელობის ბრალდებით დაკავებული გია სოსანაშვილის ადვოკატი პროკურატურის მიერ ჩატარებულ ექსპერტიზას უნდობლობას უცხადებს.
სოსო ჯოგლიძის განცხადებით, აფეთქების შედეგად ასაფეთქებელ მოწყობილობაზე დნმ -ის კვალი ვერ დარჩებოდა. დაცვის მხარემ შესაძლოა ალტერნატიული ექსპერტიზის ჩატარება მოითხოვოს.
ადვოკატი სოსო ჯოგლიძე დღეს თავის დაცვის ქვეშ მყოფს ციხეში მოინახულებს და აღნიშნულ საკითხზე გაესაუბრება. ჯოგლიძის განცხადებით, გია სოსანაშვილი წაყენებულ ბრალს არ აღიარებს.
