,,თავისუფალი დემოკრატების" წევრი ირაკლი ჩიქოვანი აცხადებს, რომ ყოფილი პრემიერის ზურაბ ჟვანიას საქმე აუცილებლად უნდა იქნას გამოძიებული, თუმცა დეპუტატი ყველას მოუწოდებს თავი შეიკავონ პოლიტიკური შეფასებებისგან
,,ჩვენ მომხრე ვართ ამ გამოძიების, მაგრამ ვფიქრობთ, რომ პოლიტიკური შეფასებებისგან ყველამ თავი უნდა შეიკავოს. საქმე გვაქვს ადამიანურ ტრაგედიასთან, მაგრამ ამასთან, ყველა კითხვას უნდა გაეცეს პასუხი, უნდა დაველოდოთ გამოძიების შედეგებს და მერე გავაკეთოთ კომენტარები", - განაცხადა ჩიქოვანმა.
ზურაბ ჟვანია 2005 წლის 3 თებერვალს გარდაიცვალა. გავრცელებული ინფორმაციით, გარდაცვალების მიზეზად ბუნებრივი აირის გაჟონვა სახელდება. თუმცა გამოძიება ჯერ არ დასრულებულა და ყოფილი პრემიერის გარდაცვალების საქმე დახურული არააა.
მისი ცხედარი პირადი დაცვის წევრებმა, თბილისში, საბურთალოს ქუჩაზე, ერთ-ერთ ბინაში აღმოაჩინეს. მასთან ერთად ბინაში იმყოფებოდა ,,ნაციონალური მოძრაობის" ახალგაზრდა წარმომადგენელი, რაულ უსუპოვი, რომლიც ცხედარი ახლობლებმა მშობლიურ სოფელში დაკრძალეს.
მასალის გამოყენების პირობები