საფეხბურთო მსაჯების საქმე დასრულებულია. სასამართლო პროცესი, რომელიც 5 თვეზე მეტხანს გრძელდებოდა, 8 მსაჯისთვის საპროცესო შეთანხმებით დასრულდა.
მსაჯებს ბრალად კორუფციულ გარიგებაში მონაწილეობა ედებოდათ.
9-თვიანი პატიმრობა და სახელმწიფოს სასარგებლოდ 3 ათასი ლარის გადახდა 8 დაკავებულიდან 5 მსაჯს შეეფარდა. დანარჩენი სამი კი, რომლებიც გამოძიების ხუთივე ეპიზოდში ფიგურირებდა, 1 წელი რეალური სასჯელი და სახელმწიფოს სასარგებლოდ 10 და 15 ათასი ლარის გადახდა დაეკისრათ.
დაცვის მხარე სასამართლოს გადაწყვეტილების გასაჩივრებას არ აპირებს.
ადვოკატები აცხადებენ, რომ შექმნილ ვითარებაში მიღებული გადაწყვეტილება ერთადერთი სწორი გამოსავალი იყო.
