საქალაქო სასამართლოში თბილისის ყოფილი მერის გიგი უგულავას საქმის არსებით განხილვა გაგრძელდება.
პროცესზე თბილისის განვითარების ფონდის ეპიზოდზე იმსჯელებენ.
სხდომაზე ბრალდების მხარის მტკიცებუელბების გამოკვლევა იგეგმება. ამასთან პროცესზე გამოძიება წერილობით მტკიცებულებებსაც წარადგენს.
,,ჩვენ ვიმყოფებით ბრალდების მხარის მტკიცებულებების გამოკვლევის ეტაპზე. ჩვენი ინფორმაციით, ბრალდების მხარე ამ პროცესზე აპირებს წერილობითი მტკიცებულებების გამოკვლევას, ხოლო რაც შეეხება უკვე წარმოდგენილ მტკიცებულებებს, პროკურატურას არც ერთი მტკიცებულება არ წარმოუდგენია დღემდე, რომელიც დაადასტურებს მის ბრალეულობას აღნიშნულ საქმეზე," - განაცხადა უგულავას ადვოკატმა გიორგი გელხაურმა.
გამოძიება გიგი უგულავას სამსახურებრივი უფლებამოსილების გადამეტებით, თბილისის განვითარების ფონდიდან დიდი ოდენობით თანხის გაფლანგვას ედავება.
მასალის გამოყენების პირობები
