დღეს, 9 თებერვალს პრეზიდენტისთვის უზენაესი სასამართლოს თავმჯდომარის კანდიდატის წარდგენის ვადა 19:00 საათზე იწურება. როგორც პრეზიდენტის მრჩეველი სამართლებრივ საკითხები კახა კოჟორიძე აცხადებს ამ დროისთვის დასახელებულია 20-მდე კანდიდატი.
მისივე განცხადებით, პრეზიდენტის გიორგი მარგველაშვილი უზენაესი სასამართლოს თავმჯდომარის კანდიდატებს საზოგადოებას უახლოეს დღეებში გააცნობს, სავარაუდოდ, ოთხშაბათს.
„პრეზიდენტი იღებს სრულ პასუხისმგებლობას, რომ მის მიერ დასახელებული კანდიდატი მოვა შესაბამისობაში დასახელებულ კრიტერიუმებთან," - განაცხადა კახა კოჟორიძემ.
შეგახსენებთ, რომ მოქმედ უზენაესი სასამართლოს თავმჯდომარეს კოტე კუბლაშვილს უფლებამოსილება 25 თებერვალს იწურება.
