მთავარი პროკურატურა ცოტა წინ დატოვა ვაზაგაშვილების ოჯახის ადვოკატმა გაგი მოსიაშვილმა. როგორც ადვოკატმა განმარტა ახლა მთავარია გამოძიებამ დაადგინოს თუ ვინ იყი მკვლელობის შემკვეთი.
"ფაქტია რომ დანაშაულის აღმსრულებელი გამოძიებას დადგენილი ჰყავს, ახლა ჩვენთვის საინტერესოა გამოძიებამ გასცეს პასუხი ჩვენთვის მნიშვნელოვან კითხვას ვისი შეკვეთით მოხოდა, ეს საშინელი და საზარელი ამბავი", _განაცხადა განაცხადა გაგი მოსიაშვილმა.
პროკურატურამ იური ვაზაგაშვილის მკვლელობის საქმე გახსნა და პოლიციის თანამშრომელი გია სოსანაშვილი დააკავა.
შეგახსენებთ, რომ იური ვაზაგაშვილი 20 იანვარს, შვილის, ზურაბ ვაზაგაშვილის საფლავზე გარდაცვლილი იპოვნეს. ის აფეთქების შედეგად დაიღუპა. აღნიშნულ ფაქტთან დაკავშირებით მთავარმა პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
იური ვაზაგაშვილი წლების მანძილზე ითხოვდა 2006 წელს, სპეცოპერაციის შედეგად დაღუპული შვილის, ზურაბ ვაზაგაშვილის საქმის გამოძიება.
მასალის გამოყენების პირობები