უფლებადამცველი ლია მუხაშავრია ,,ჯი-ეიჩ-ენთან" საუბარში აცხადებს, რომ იური ვაზაგაშვილის მკვლელობის საქმე არ შეიძლება გახსნილად ჩაითვალოს, იქამდე სანამ მკვლელობის დამკვეთი არ გამოვლინდება და ყველა კითხვას პასუხი არ გაეცემა.
,,ესეც ის ამბავია, რომ პროკურატურამ საზოგადოებას უთხრას თითქოს საქმე გახსა, მაგრამ ჩვენ ხომ აღმსრულებელი არ გავინტერესებს, გვაინტერესებს თუ ვინ იყო ამ საშინელების დამკვეთი. Aამიტომ ვიდრე ეს არ არის ცნობილი არ შეიძლება თქმა, რომ ესაქმე გახსნილია", -განაცხადა ლია მუხაშავრიამ.
მუხაშავრია ვარაუდობს, რომ პროკურატურა იური ვაზაგაშვილის საქმესთან დაკავშირებით წინ ვეღარ წავა და შემოიფარგლება მხოლოდ მკვლელობის აღმსრულებლის დაკავებით.
,,ამ შემთხვევაში საინტერესოა მკვლელობის დამკვეთი და არა აღმსრულებელი. არა მგონია, აღმსრულებლის გარდა საქმეში ვინმე გამოიკვეთოს. ალბათ იმ ადამიანს წამებას არ დაუწყებენ და წამებითაც კი შეიძლება ვერ ათქმევინო თუ ვინ დაუკვეთა ეს ტერაქტი", _აცხადებს მუხაშავრია ,,ჯი-ეიჩ-ენთან" საუბარში.
პროკურატურამ იური ვაზაგაშვილის მკვლელობის საქმე გახსნა და პოლიციის თანამშრომელი გია სოსანაშვილი დააკავა.
შეგახსენებთ, რომ იური ვაზაგაშვილი 20 იანვარს, შვილის, ზურაბ ვაზაგაშვილის საფლავზე გარდაცვლილი იპოვნეს. ის აფეთქების შედეგად დაიღუპა. აღნიშნულ ფაქტთან დაკავშირებით მთავარმა პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
იური ვაზაგაშვილი წლების მანძილზე ითხოვდა 2006 წელს, სპეცოპერაციის შედეგად დაღუპული შვილის, ზურაბ ვაზაგაშვილის საქმის გამოძიება.
მასალის გამოყენების პირობები
