საქართველოს პრემიერ-მინისტრმა მიუნხენის 51-ე უსაფრთხოების კონფერენციაზე სიტყვით გამოსვლისას შეშფოთება გამოხატა საქართველოს ოკუპირებულ ტერიტორიებზე არსებულ ვითარებასთან დაკავშირებით და კიდევ ერთხელ დაგმო რუსეთის მიერ აფხაზეთისა და ცხინვალის დე-ფაქტო ხელისუფლებებთან ე.წ მოკავშირეობის შესახებ ხელშეკრულების გაფორმება.
პრემიერი დარწმუნებულია, რომ აფხაზეთს და ე.წ სამხრეთ ოსეთს საქართველოს გარეშე მომავალი არ გააჩნიათ.
,,ჩვენ აფხაზ და ოს ძმებს ვთავაზობთ ევროპულ მომავალს, საქართველოს განვითარებას, ნამდვილ დემოკრატიულ სახელმწიფოს. ევროკავშირთან ასოცირების ხელშეკრულება ეს არის ის რაც ქვეყანას განვითარებასა და ევროპეიზაციას მოუტანს. თუ ქართველები ევროპაში ვიზიების გარეშე შეძლებენ მოგზაურობას, ეს აფხაზებსა და ოსებს ჩვენდამი ნდობას დაუბრუნებს, რადგან ისინი, სამწუხაროდ, ახლა მოწყვეტილნი არიან ცივლიზებულ სამყაროს. მე მჯერა, რომ მათ კარგი მომავალი ექნებათ საქართველსოთან ერთად", -განაცხადა პრემიერმა.
მასალის გამოყენების პირობები