დეპუტატი ვალერი გელაშვილი აცხადებს, რომ ის პროკურატურაში იმ სპეცრაზმელებს შეხვდა, რომლებიც მის ცემაში იღებდნენ მონაწილეობას.
გელაშვილის განცხადებით, სპეცრაზმელებმა მას ბოდიში მოუხადეს.Aროგორც გელაშვილმა საქალაქო სასამართლოში განმარტა შეხვედრას მთავარი პროკურორის მოადგილე ირაკლი შოთაძე და საქმის სხვა გამომძიებლებიც ესწრებოდნენ.
,,სპეცრაზმელები რომელმაც სიკვდილის პირას მიმიყვანეს ის სხვა ადგილას არც შემხვდებოდა და არც დამთანხმდებოდა, მხოლოდ და მხოლოდ პროკურატურაში თანამდებობის პირებთან ერთად შეხვედრაზე. Fფსიქოლოგიური მომენტია როცა იცი ადამიანი სიკვდილის პირამდე სცემე და თავი გაუჩეჩქვე, მისი ფსიქოლოგია რთულია", _განაცხადა გელაშვილმა.
გელაშვილის ცემის საქმეში ბრალდებულები არიან ყოფილი პრეზიდენტი მიხეილ სააკაშვილი, ყოფილი პრემიერ-მინისტრი ვანო მერაბიშვილი, სპეცოპერატიული დეპარტამენტის ყოფილი უფროსი, ერეკლე კოდუა და ამავე დეპარტამენტის ყოფილი თანამშრომელი, გიორგი სირაძე.
შეგახსენებთ, რომ პარლამენტარ ვალერი გელაშვილს 2005 წელს სცემეს.
