შინაგან საქმეთა მინისტრი ვახტანგ გომელაური მიიჩნევს, რომ სპეცდანიშნულების რაზმის ის თანამშრომლები, რომლებიც ზურაბ ვაზაგაშვილისა და ალექსანდრე ხუბულოვის მკვლელობის ბრალდებით დააკავეს, მათი ხელმძღვანელების უკანონო ბრძანების მსხვერპლი გახდნენ. როგორც მთავრობის სხდომის დაწყებამდე მინისტრმა განაცხადა თუ კიდევ გამოიკვეთება ვინმეს ბრალეულობა, მათი დაკავებაც მოხდება.
,,გამოძიება გრძელდება და თუ კიდევ გამოიკვეთება ვინმეს ბრალეულობა, ასევე მოხდება მისი დაკავება და პასუხისგებაში მიცემა. რაც შეეხება სპეცრაზმელებს, რა თქმა უნდა, გვქონდა ინფორმაცია, რას აპირებდა პროკურატურა. რომ გითხრათ, არ გვქონდა ინფორმაცია და ისინი ისე გავათავისუფლეთ სამსახურიდან ტყუილი იქნება. პროკურატურამ მოგვმართა, რომ უნდა მომხდარიყო მათი დაკავება, ამიტომ მოხდა მათი სამსახურიდან გათავისუფლება. ძალიან ვწუხვარ ამის გამო, რადგან სპეცდანიშნულების ბიჭები მსხვერპლნი გახდნენ მათი ხელმძღვანელების უკანონო ბრძანების. ეს ძალიან სამწუხაროა", - განაცხადა ვახტანგ გომელაურმა.
მასალის გამოყენების პირობები