შს მინისტრის მოადგილე არჩილ თალაკვაძე გურჯაანის რაიონულ სასამართლოში მომხდარ ინციდენტს ეხმიანება და იმედს გამოთქვამს, რომ გაქცეული პატიმარი უმოკლეს დროში დაუბრუნდება იმ ადგილს, რომელიც სასამართლომ მიუსაჯა.
„მიმდინარეობს ოპერატიულ-სამძებრო მოქმედებები მის დასაკავებლად. დარწმუნებული ვარ, რომ უმოკლეს დროში ეს ადამიანი დაუბრუნდება იმ ადგილს, რომელიც სასამართლომ მიუსაჯა", _განაცხადა თალაკვაძემ.
შეგახსენებთ, რომ სასამართლოს შენობიდან სამართალდამცველებს პატიმარი გაექცათ. როგორც ,,ჯი-ეიჩ-ენს" შსს-ში განუცხადეს შემთხვევა გუშინ მოხდა.
ინციდენტი გურჯაანის რაიონულ სასამართლოში მოხდა.
ამასთან პროკურატურა იმ პოლიციელთა საქმეს შეისწავლის რომელთაც მსჯავრდებული სასამართლოდან გაექცათ.
,,იმ პოლიციელების მიმართ ვინც დაუდევრობა გამოიჩინა პროკურატურა შეისწავლის მათ საქმეს და გამოძიებას დაიწყებს", _განუცხადეს ,,ჯი-ეიჩ-ენს" შსს-ში.
