ყოფილი საგარეო უწყების ხელმძღვანელი მაია ფანჯიკიძე ,,ჯი-ეიჩ-ენთან" საუბარში საგარეო საქმეთა მინისტრის თამარ ბერუჩაშვილის ვაშინგტონში გაკეთებული განცხადების შეფასებისას აცხადებს, რომ ტრაგიკულია, თუ ხელისუფლება ხვდება, რუსეთის ბაზარი ,,მახეა" და პარალელურად არაფერს ააკეთებს ახალი ბაზრების ასათვისებლად.
მისივე განცხადებით, ხელისუფლება აბსოლუტურია ინერტულია და არა ახდენს მოსახლეობაში პროპაგანდას ასოცირების ხელშეკრულების პოტენციალისა და მისი პერსპექტივების შესახებ.
,,თავის დროზე აბაშიძე-კარასინის ფორმატი შეიქმნა იმისთვის, რომ რუსეთთან ურთიერთობა გადასულიყო ახალ ტონალობაში, გამონახულიყო საერთო ინტერესის სფეროები და მოსუნჯულიყო შეგვიძლო თუ არა გარკვეულ საკითხებზე თანამშრომლობა. მიუხედავად იმისია, რომ რუსეთი ოკუპანტია და მასთან პოლიტიკური დიალოგი ჟენევის მოლაპარაკების ფორმატში მიმდინარეობდა და აბაშიძე-კარასინის ფორმატი პოლიტიკურ საკითხებს არ უნდა შეხებოდა. გარკვეული დროის განმავლობაში ეს ფორმატი წარმატებული იყო, რადგან მოხერხდა რუსეთის ბაზრის გახსნა ქართული პროდუქტებისთვის. თუმცა თავიდანვე ვაფრთხილებდით მეწარმეებს რომ შესაძლოა რუსეთის ბაზარი მათთვის არასტაბილური ყოფილიყო და არ უნდა შეეწყვიტათ ევროპულ ბაზარზე გასვლის შესაძლებლობების ძებნა. უკვე ამოქმედებულია ევროკავშირთან ღრმა და ყოვლისმომცველი თავისუფალი ვაჭრობის შეახებ შეთანხმება და 1-ელი სექტემბრიდან ქართველ მეწარმეებს შესაძლებლობა აქვთ ყოველგვარი შეზღუდვებისა და გადასახადების გარეშე გაიტანონ პროდუქცია ევროპულ ბაზარზე, მაგრამ აბსოლუტურია ინერტული ხელისუფლება ამ მიმართულებით, იმისი ნაცვლად რომ მოსახლეობას, მეწარმეებს აუხსნან ევროკავშირთან ასოცირების ხელშეკრულების პოტენციალი, მისი პერსპექტივები. რუსეთის ბაზარი ქართული პროდუქციისთვის ცნობილია, მაგრამ თუ პარალელურად არ მოხდა მოსახლეობაში ევროპული ბზარის პროპაგანდა, რასაც აკეთებდა ალექსი პეტრიაშვილი სახელმწიფო მინისტრობის პერიოდში, სოფელ-სოფელ დადიოდა და უხსნიდა მათ თუ რა სარგებელი შეიძლება მოეტანა ასოცირების ხელშეკრულებას, წინააღმდეგ შემთხვევაში გაჭირდება მეწარმეებისთვის ევროპული ბაზრის ათვისება. განცხადება, რომ რუსეთს ბაზარი ,,მახეა" და შეიძლება ემბარგო იყოს გამოყენებული, ამაში ახალი არაფერია, ტრაგიკულია, რომ პარალელურად თუკი ამას ხვდება ხელისუფლება რატომ არაფერს აკეთებს ახალი ბაზრების ასათვისებლად. აი ეს არის პრობლემა", _განაცხადა ,,ჯი-ეიჩ-ენთან" საუბარში ფანჯიკიძემ.
საქართველოს საგარეო საქმეთა მინისტრის, თამარ ბერუჩაშვილის განცხადებით, საქართველოს ხელისუფლება „მახედ" მიიჩნევს რუსეთის ბაზარს. ბერუჩაშვილმა ამის შესახებ, ვაშინგტონში რადიო ,,თავისუფლების" კორესპონდენტთან საუბრისას განაცახდა.
„ახლა დროებით ვაჩერებთ რუსეთთან ვაჭრობის საკითხებზე ამ დიალოგს, მას აზრი არა აქვს. რუსეთს ნებისმიერ მომენტში შეუძლია, ისევ აამოქმედოს ემბარგო", _განაცხადა ბერუჩაშვილმა რადიო ,,თავისუფლების" კორესპონდენტთან საუბრისას.
ბერუჩაშვილის სიტყვებით, რუსეთი მნიშვნელოვან პოლიტიკურ საკითხებთან დაკავშირებითაც „განაგრძობს დესტრუქციულ ნაბიჯებს, რის უკანასკნელი ნათელყოფა იყო ნოემბერში მოსკოვში ე.წ. სტრატეგიული პარტნიორობისა და ინტეგრაციის შესახებ შეთანხმების ხელმოწერა სოხუმის საოკუპაციო რეჟიმთან".