პრემიერ-მინისტრის სპეციალური წარმომადგენლი რუსეთთან ურთიერთობის საკითხებში ზურაბ აბაშიძე ევროსაბჭოს მიერ რუსეთისთვის დაკისრებული სანქციების გაგრძელებას გამოეხმაურა და აღნიშნა, რომ ამ კუთხით საქართველო ყველანაირად აკმაყოფილებს იმ სტანდარტებს, რასაც საერთაშორისო თანამეგობრობა უწესებენ რუსეთს.
,,საქართველოს სახელმწიფოთაშორის ურთიერთობებიც კი არ აქვს რუსეთთან - დიპლომატიური ურთიერთობები არ გვაქვს. ამაზე მაღალი ფორმა სანქციების აღარ არსებობს. ჩვენ გვაქვს ძალიან მცირე ურთიერთობა სავაჭრო სფეროში, განახლდა სატრანსპორტო კომუნიკაციები. საქართველო შეიძლება ითქვას, ამ თვალსაზრისით ყველანაირად აკმაყოფილებს იმ სტანდარტებს, რასაც საერთაშორისო თანამეგობრობა უწესებენ რუსეთს. ჩვენ მუდმივი კონსულტაციები გვაქვს მათთან და გავაგრძელებთ ამ პოლიტიკას, რაც ვფიქრობ ას ყველაზე ოპტიმალური და პრაგმატულია", - განაცხადა ზურაბ აბაშიძემ.
160 მომხრე და 42 წინააღმდეგი. ევროსაბჭომ რუსეთის სანქციები ძალაში დატოვა და აპრილამდე ხმის უფლება შეუჩერა.
რუსულ მხარეს ასევე დაეკისრა ვალდებულება, უახლოეს 24- საათში გაათავისუფლოს პოლიტპატიმარი, უკრაინელი მფრინავი ნადეჟდა სავჩენკო.
საპარლამენტო ასამბლეის გადაწყვეტილებას არაადეკვატურად აფასებს რუსეთის დელეგაცია, რომელიც ევროსაბჭოს საპასუხოდ აპირებს 2015 წლის ბოლომდე ორგანიზაციის სხდომებში მონაწილეობა არ მიიღოს.
უკრაინის დელეგაციის შეფასებით კი, საპარალენტო ასამბლეის გადაწყვეტილება რუსეთისთვის ყვითელი ბარათია და ის წითელსაც მიიღებს, თუ მეზობელ ქვეყნებთან პოლიტიკას არ შეცვლის.
სანქციების ძალაში დატოვებას მიესალმებიან ქართული დელეეგაციის წევრებიც.
იმ მიზეზთა ჩამონათვალში კი, რის გამოც რუსეთს სანქციები დაეკისრა, უკრაინასთან ერთად საქართველოც მოხვდა.