ხვალ, 10 დეკემბერს პრეზიდენტის ყოფილი რწმუნებულის ემზარ კვიციანის ადვოკატი რევაზ კახნიაური სააპელაციო სასამართლოსთვის მომზადებულ სარჩელს თავის დაცვის ქვეშ მყოფს გააცნობს. როგორც ,,ჯი-ეიჩ-ენთან" საუბარში ადვოკატი აცხადებს უკვე ამის შემდეგ მიმართავენ სარჩელით სააპელაციო სასამართლოს.
ადვოკატის განმარტებით, მისი დაცვის ქვეშ მყოფს გლდანის #8 დაწესებულებაში 11:00 საათისთვის მოინახულებს.
,,სარჩელი უკვე მომზადებულია, მაგრამ ხვალ ვაპირებთ ემზარ კვიციანთან შესვლას, გავაცნობ რამდენად მოსწონს სარჩელი და აქვს თუ არა შენიშვნები. მხოლოდ ამის შემდეგ შევიტანთ სააპელაციო სასამართლოში სარჩელს", _განაცხადა ,,ჯი-ეიჩ-ენთან" საუბარში კახნიაურმა.
მისივე განმარტებით, ემზარ კვიციანის ჯანმრთელობის მდგომარეობა საგანგაშო არ არის და ის მარტო იმყოფება საკანში.
,, მას აქვს ხერხემლის პრობლემა და უჭირს გადაადგილება. თუმცა Mმდგომარეობა საგანგაშო არ არის", _ აცხადებს ადვოკატი.
შეგახსენებთ, კოდორის ხეობაში პრეზიდენტის ყოფილ რწმუნებულს ემზარ კვიციანს 17 ნოემბერს, ზუგდიდის რაიონულმა სასამართლოს გადაწყვეტილებით, 12 წლით თავისუფლების აღკვეთა მიუსაჯა.
ემზარ კვიციანს სამხედრო ამბოხებასა და ტერორისტული აქტების მოწყობაში ედებოდა ბრალი. იგი სამართალდამცველებმა რუსეთიდან დეპორტაციის შემდეგ, საქართველოში დაბრუნებისას, თებერვალში თბილისის საერთაშორისო აეროპორტში დააკავეს.
