ზოგი ფიქრობს, ახლა კარგი მომენტიაო და ცდილობს შეეტენოს ბიძინას და ღარიბაშვილს, ან ორივეს ერთად, - ასე ეხმიანება რეპუბლიკური პარტიის წევრი დავით ზაურაბიშვილი ე.წ. მოსმნენების შესახებ კანონს. მისი შეფასებით, საზოგადოების დამოკიდებულება მოსმენების კანონის მიმართ არ არის ერთგვაროვანი.
"თუმცა, მე არ ვფიქრობ, რომ ვინც მხარს უჭერს ე. წ. გასაღების შსს-ში დატოვებას, მას რეალურად აწუხებს ქვეყნის უსაფრთხოების ან კრიმინალთან ბრძოლის ამბავი და გასაღების სისტემიდან გატანით ხედავს საფრთხეს. ასეთი მიამიტები შეიძლება არიან ჩვენში, მაგრამ არც ისე ბევრი.
ძირითადად კი, ჩემის დაკვირვებით, საზოგადოებაში დაახლოებით ასეთი სურათია:
ა) ზოგს სულ ცალ ფეხზე ჰკიდია ვინმეს მოუსმენენ თუ არა (ასეთი ყველაზე მეტია).
ბ) ზოგს მიაჩნია, რომ "კეგებემ" (ანუ დღევანდელმა სუს-მა ) უნდა უსმინოს ჩუმად ხალხს, აბა რა უნდა ქნას?
გ) ზოგი ფიქრობს, ახლა კარგი მომენტიაო და ცდილობს შეეტენოს ბიძინას და ღარიბაშვილს, ან ორივეს ერთად, ან რომელიმე მათგანს მაინც,
დ) ზოგი იმის მოლოდინშია, რომ იქნებ ამ ბედოვლათებმა აწი მაინც ხშირ-ხშირად მოუსმინონ ნაციონალებს, გამოიჭირონ რაღაცაში, ჩაყარონ მერე ციხეებში და ცოტა დაგვასვენონ.
ჰო და ნაცები და მათი მხარდამჭერები კიდევ ცალკე არიან, ძველ საბჭოურ ანეკდოტში რომ ვოვოჩკაა საბავშვო ბაღში, ისე.
დანარჩენი კი არის ის, რასაც შეიძლება დავარქვათ თანამედროვე ქართული საზოგადოების ლიბერალური რესურსი. ყველა გამოსულია ფაქტობრივად და შეგვიძლია დავთვალოთ", - აღნიშნავს ზურაბიშვილი.
