.,,საერთაშორისო გამჭვირვალობა-საქართველოს" ხელმძღვალი ეკა გიგაური ,,ჯი-ეიჩ-ენთან" საუბარში დეპუტატების მიერ ე.წ. მოსმენებთან დაკავშირებით პრეზიდენტის ვეტოს დაძლევას ადამიანის უფლებების დაცვის საკითხებში უკან გადადგმულ ნაბიჯად აფასებს. როგორც გიგაურმა საკითხის კომენტირებისას განაცხადა პარლამენტმა შსს მისცა უფლება ნებისმიერ ადამიანს მოუსმინოს.
,, იმ დეპუტატებმა რომლებმაც ხმა მისცეს ვეტოს დაძლევას, მისცეს ლეგალური უფლება შსს სასამართლოსა და სხვა ზედამხედველობის მექანიზმების გვერდის ავლით ნებისმიერ ადამიანს მოუსმინონ ისე რომ ამის კონტროლი ვერავინ განახორციელოს", -განაცახდა გიგაურმა.
მისივე განმარტებით, პარალამენტმა დღეს მიღებული კანონით უკანონო მოსმენების ლეგალიზაცია მოხდა.
..ვფიქრობ, კანონი, რომელიც პარლამენტმა დღეს მიიღო უკანონო მოსმენების ლეგალიზაციაა. ცალსახად, ეს არის უკან გადადგმული ნაბიჯი ადამიანის უფლებების დაცვის თვალსაზრისით, ეს არის ნაბიჯი იმისკენ, რომ საქართველოში გაძლიერდეს მხოლოდ და მხოლოდ სპეცსამსახურები და შსს, პოლიციამ ნაკლებად იზრუნოს ადამიანის უფლებების დაცვაზე. სწორედ ეს დაკანონდა დრეს პარლამენტში", _განაცხადა გიგაურმა ,,ჯი-ეიჩ-ენთან" საუბარში.
82-მომხრე, 13- წინააღმდეგი, დეპუტატებმა ე.წ. მოსმენებთან დაკავშირებით პრეზიდენტის ვეტო დაძლიეს.
შეგახსენებთ, რომ პარლამენტმა პარასკევის პლენარულ სხდომაზე ბესელია-ფოფხაძე-სესიაშვილის კანონპროექტი 73 ხმით მიიღო. წინააღმდეგ კი ხმა 30 -მა დეპუტატმა მისცა. კანონპროექტის მესამე მოსმენით განხილვაში მონაწილეობა არ მიიღეს ფრაქცია "თავისუფალმა დემოკრატებმა" და "რესპუბლიკელებმა" თინათინ ხიდაშლმა. მათ პლენარული სხდომა, კანონპროექტის მეორე მოსმენით გახილვისას, პროტესტის ნიშნად დატოვეს. არსბული კანონპრპოექტის მიხედვით, შემოდის ე. წ. ორგასაღებიანი სისტემა, სადაც ე.წ. ერთი გასაღები შსს-ში რჩება, მეორე კი პერსონალური მონაცემთა დაცვის ინსპექტორს გადაეცემა.თუმცა გუშინ პრეზიდენტმა ფარულ მოსმენებთან დაკავშირებით კანონს ვეტო დაადო და დეპუტატებს ალტერნატიული კონცეფცია წარუდგინა რომლის თანახმად, ფარული მოსმენების განმახორციელებელ ორგანოდ კვლავ შსს რჩება, თუმცა პროცესში სასამართლოს როლი ძლიერდება. პერსონალურ მონაცემთა დაცვის ინსპექტორს კი, რჩება პროცესზე ზედამხედველობის უფლება.
