ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი დარწმუნებლია, რომ საჭიროების შემთხვევაში დეპუტატები პრეზინდეტის ვეტოს დაძლევას შეძლებენ.
,,იდეალური კანონი არ არსებობს და ვერც იარსებებს, მსოფლიოში ეგეთი რამე არ ხდება, მაგრამ ყოველთვის უნდა ამოვიდეთ იმ საჭიროებებიდან, რაც დგას ქვეყნის წინაშე. საჭიროებაა - უსაფრთხოება, საჭიროებაა - კრიმინალის წინააღმდეგ ბრძოლა და საჭიროა ადამიანის უფლებების დაცვა. ამის გარანტიას, ღირებულებებს შორის ბალანსისას, დღევანდელი კანონი იძლევა ძალიან კარგად. აბსოლუტურად დარწმუნებული ვარ, რომ ვეტო იქნება დაძლეული", - აღნიშნა სუბარმა ჟურნალისტებთან საუბრისას.
შეგახსენებთ, რომ პარლამენტმა პლენარულ სხდომაზე ბესელია-ფოფხაძე-სესიაშვილის კანონპროექტი 73 ხმით მიიღო. წინააღმდეგ კი ხმა 30 -მა დეპუტატმა მისცა. კანონპროექტის მესამე მოსმენით განხილვაში მონაწილეობა არ მიიღეს ფრაქცია "თავისუფალმა დემოკრატებმა" და "რესპუბლიკელებმა" თინათინ ხიდაშლმა. მათ პლენარული სხდომა, კანონპროექტის მეორე მოსმენით გახილვისას, პროტესტის ნიშნად დატოვეს. არსბული კანონპრპოექტის მიხედვით, შემოდის ე. წ. ოგასაღებიანი სისტემა, სადაც ე. წ. ერთი გასაღები შსს-ში რჩება, მეორე კი პერსონალური მონაცემთა დაცვის ინსპექტორს გადაეცემა.თუმცა გუშინ პრეზიდენტმა ფარულ მოსმენებთან დაკავშირებით კანონს ვეტო დაადო და დეპუტატებს ალტერნატიული კონცეფცია წარუდგინა რომლის თანახმად, ფარული მოსმენების განმახორციელებელ ორგანოდ კვლავ შსს რჩება, თუმცა პროცესში სასამართლოს როლი ძლიერდება. პერსონალურ მონაცემთა დაცვის ინსპექტორს კი, რჩება პროცესზე ზედამხედველობის უფლება.